لە درێژەی هێرشەکانی ئیسرائیل بۆ سەر غەززە، ئەرتەشی ئیسرائیل ڕایگەیاند کە کۆتایی بە ئۆپەراسیۆنەکانی باکووری غەززە هێناوە و باسی لەوە کرد کە ژێرخانە سەربازییەکانی حەماسیان لەو ناوچەیە لەنێو بردووە.
بە وتەی دانیەل هاگاری، وتەبێژی ئەرتەشی ئیسرائیل، ئۆپەراسیۆنی لەنێوبردنی ژێرخانی نیزامیی حەماس لە باکووری غەززە کۆتایی پێ هاتووە و نزیکەی ٨ هەزار چەکداری ئەم وڵاتە لەو ناوچەیە کوژراون.
هەروەها باسی لەوەش کرد کە ئیسرائیل دەستی بەسەر دەیان هەزار چەک و میلیۆنان بەڵگەنامە لەو ناوچەیەدا گرتووە.
گرژییەکانی نێوان حەماس و ئیسرائیل لە ١٥ی ڕەزبەردا دەستی پێکرد کە تا ئێستاش دریژەی هەیە و بە هەزاران کەس بوونەتە قوربانی.
