ڕۆژی دووشەممە، ٩ی ڕێبەندان، کاک سدیق حەبیبی خەڵکی ئاوایی ئەوێهەنگی سنە بە هۆی نەخۆشیییەوە کۆچی دوایی کرد.
کاک سدیق دوای ئاشکرابوونی خەباتی حیزبی دیمۆکرات چەکی پێشمەرگایەتیی کردە شان و دڵسۆزانە و بەوپەری ئیمان بەو ڕێبازە و بە نەزم و دیسیپلینی شۆڕشگێرانە بۆ وەدەستهێنانی مافی نەتەوایەتی، بەشداریی خەبات و شۆڕشی کوردی کرد.
ناوبراو هەتا کۆتاییەکانی سالی ١٣٦١ی هەتاوی لە ڕیزی پێشمەرگەکانی حیزبی دێموکراتدا درێژەی بە خەبات دا و دواتر لەسەر ئیزنی حیزب گەڕایەوە نێوخۆی وڵات و دوای گەڕانەوەش هەر وا یارمەتیدەری هێزی پێشمەرگە و کادرە تەشکیلاتییەکان بوو.
کاک سدیق لای لاوانی شۆڕشگێری ئەوێهەنگ، خاوەن ڕێزێکی تایبەت بوو و هەتا دوایین ساتەکانی تەمەنی وەفادار بە ڕێبازی دێموکرات مایەوە.
حیزبی دیموکراتی کوردستانی ئێران بەم بۆنەوە، سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێ.
