شه‌وی هه‌ینی ١٣ی ڕێبه‌ندان دوای هێرشی شه‌ڕكه‌ره‌كانی ئیسرائیل بۆ سه‌ر ناوچه‌ی زه‌ینه‌بییه له شاری دەمشقی سووریه ئه‌ندامێكی سپای پاسداران به ناوی سه‌عید عه‌لیدادی كوژرا.
له‌م پێوه‌ندییه‌دا ڕویتێرز به‌پێی چه‌ند سه‌رچاوه‌ی ئاگادار بڵاوی كردووه‌ته‌وه كه سپای پاسداران له ترسی هێرشه‌كان له ئێستادا خه‌ریكی گواستنه‌وه‌ی فه‌رمانده باڵاكان و ده‌یان كه‌س له هێزه‌كانی خۆی له ناو خاكی سووریه‌دایه.
دوای هێرشی ئیسرائیل بۆ سه‌ر دەمشق ئاژانسی هەواڵی دانشجووی سه‌ر به ڕێژیم سەرەتا لە زاری سەرچاوەیەکی سەربازییەوە لە سووریه بڵاوی كرده‌وه کە هێرشەکانی ئیسرائیل تەنیا زیانی مادیی لێ کەوتووەتەوە، به‌ڵام پاشنیوەڕۆی هەینی هەواڵی کوژرانی ئه‌ندامێكی سپای پاسداران لە دەمشقی پشتڕاست کردەوە.
