لە کاردانەوەی نیزامیی ئەمریکا و بریتانیا بە هێرشە بەردەوامەکانی حوسییەکان بۆ سەر کەشتییە بازرگانییەکان لە ئاوە نێونەتەوەییەکان، لانیکەم ٢٥ کەس لە هێزەکانی حوسییەکان کوژران و بریندار بوون.
دەوڵەتی یەمەن ڕایگەیاندووە کە شەوی دووشەممە ٢١ی ڕەشەمە، لە دوای هێرشە ئاسمانییەکانی ئەمریکا و بریتانیا بۆ سەر پێگەکانی حوسییەکان، لانیکەم ١١ کەس کوژران و ١٤ کەس بریندار بوون.
کاناڵی هەواڵی "ئەلمەسیرە"، سەر بە حوسییەکانی یەمەن ڕایگەیاندووە کە شاری ئەلحەدیدە و باقی شارەکانی ڕۆژاوای یەمەن، لانیکەم ١٧ جار لەلایەن ئەمریکا و بریتانیاوە هێرشیان کراوەتە سەر.
هاوپەیمانی نێونەتەوەیی بە ڕێبەرایەتیی ئەمریکا ئەم هێرشانەی لە وڵامی هێرشەکانی ١٦ی ڕەشەمەی حوسییەکان بۆ سەر کەشتییەکی بازرگانی لە کەنداوی عەدەن ئەنجام داوە کە کوژرانی ٣ کەس و برینداربوونی ژمارەیەکی دیکەی لێ کەوتەوە.
سەرەڕای کردەوەکانی ئەمریکا و بریتانیا بۆ تۆڵەکردنەوە، هێرشە مووشەکی و پەهبادییەکانی حوسییەکان بە ڕێبەریی کۆماری ئیسلامی لە دەریای سوور زۆرتر بووەتەوە.
