ڕۆژی پێنجشەممە، ٢٤ی ڕەشەمە، کاک محەممەدئەمین خەیری، ئەندامی دێرینی حیزبی دێموکراتی کوردستانی ئێران و خەڵکی بەفرەوان کۆچی دوایی کرد.
کاک محەممەدئەمین ناسراو بە دەروێش محەممەدئەمین، ئەندامی چالاکی حیزبی دێموکراتی کوردستانی ئێران و کەسێکی جێگای متمانەی خەڵک و تەشکیلاتی حیزب بوو.
ماڵی کاک محەممەدئەمین هەمیشە شوێنی حەسانەوەی کادر و پێشمەرگەکانی حیزب بووە.
ناوبراو هەتا دوایین ساتەکانی ژیانی، وەفادار بە ڕێبازی دێموکرات مایەوە.
ناوەندی ڕاگەیاندنی حیزبی دێموکراتی کوردستانی ئێران، بەم بۆنەوە سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
