یاسر حەیدەری، ئەندامی حیزبی دێموکراتی کوردستانی ئێران، لە ١٩ـهەمین کێبڕکێیەکانی نێونەتەوەیی جۆدۆ لە کێشی ٦٦ کیلۆ پلەی پلەی یەکەمی بەدەست هێنا.
یاسر حەیدەری تەمەن ٣٢ ساڵ و خەڵکی بانە، ماوەی ٢٢ ساڵە لە بواری وەرزشی جۆدۆدا کار دەکات.
ناوبراو خاوەن بڕوانامەی لیسانسی تەربیەت بەدەنی و ڕاهێنەری لەشساغی و داوەری فوتباڵە و ماوەی ٤ مانگە لە وڵاتی ئاڵمانە.
یاسر حەیدەری لە هەموو قۆناغەکانی مێرمنداڵی، لاوان و گەورەساڵان پلەی قارەمانییەتی هەیە و دوو ساڵ لە خۆلی نایاب (لیگ برتر) و ساڵێکیش لە خۆلی دەستەی یەکدا لە ئێران بەشدار بووە.
