ڕۆژی پێنجشەممە، ٢ی خاکەلێوە، کاک جەمشید ئەمینپوور، کوڕی ڕەمەزان و خەڵکی گوندی نروێ لە شاری پاوە ماڵاوایی لە ژیان کرد.
کاک جەمشید ئەمینپوور پێشمەرگەی پێشووی حیزبی دێمۆکراتی کوردستانی ئێران بووە.
بنەماڵەی کاک جەمشید بنەماڵەیەکی حیزبی و کوردپەروەرن و چەندین کەسیان لە ڕیزەکانی حیزبی دێموکراتدا خزمەتیان بە نەتەوە و نیشتمانەکەیان کردووە و هەنووکە برایەکی بە ناوی شەهریار ئەمینپوور پێشمەرگەی حیزب و برایەکی بە ناوی جەمیل ئەمینپوور ئەندامی حیزبە لە دەرەوەی وڵات.
بنەماڵەی کاک ڕەمەزان هەتاکوو ساڵی ١٣٦٨ لە بنکەکانی حیزبدا بوون و پاش کیمیابارانی هەڵەبجە گەڕاونەتەوە ئێران.
ناوەندی ڕاگەیاندنی حیزبی دێموکرات، بەم بۆنەوە سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
