ڕۆژی شەممە، ٤ی خاکەلێوە، کاک لوقمان بێهفەر، ئەندامی حیزبی دێموکراتی کوردستانی ئێران بە هۆی نەخۆشییەوە مالاوایی لە ژیان کرد.
کاک لوقمان بێهفەر ناسراو بە لوقمان پەخان، لەدایکبووی ساڵی ١٣٤٩ و خەڵكی قەرەشڵاغ لە ناوچەی شاروێرانی مەهاباد بووە.
ناوبراو ئەندامێکی دڵسۆز و چالاکی حیزب بووە و هەموو کات ئامادەی جێبەجێکردنی ئەرکە حیزبییەکانی خۆی بووە.
کاک لوقمان لە بنەماڵەی کوردپەروەردا لەدایک بووە و هەتا دوایین کاتی ژیانی وەفادار بە ڕێگا و ڕێبازی حیزبەکەی مایەوە.
تەرمی ناوبراو ڕۆژی یەکشەممە، ٥ی خاکەلێوە لەنێو ئاپۆڕای خەڵكی ناوچەکەدا بە خاکی پیرۆزی کوردستان ئەسپێردرا.
ناوەندی ڕاگەیاندنی حیزبی دێموکراتی کوردستانی ئێران بەم بۆنەوە سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
