ڕۆژی سێشەممە ٧ی خاکەلێوە وەزارەتی دارایی ئامریکا بە بڵاوکردنەوەی ڕاگەیەندراوێک ڕایگەیاند کە سزای نوێیان خستووەتە سەر شەش ناوەند و کەسێک و دوو نەوتکێش کە چالاکی ئابووری بۆ سپای قودسی پاسداران و حیزبوڵڵای لوبنان ئەنجام ئەدەن.
وەزارەتی دارایی ئامریکا ڕایگەیاند کە لایەنە سزادراوەکان ئاسانکارییان کردووە بۆ گواستنەوەی کاڵا و مامەڵە داراییەکانی سەر بە سپای قودس و میلیشیاکانی و ئەوانەی کە گەمارۆ دراون لە لیبریا، هێند، ڤیێتنام، لوبنان و کوەیت جێگیرن.
بە وتەی مەتیۆ میلێر وتەبێژی وەزارەتی دەرەوەی ئەمریکا، ئەمریکا لەسەر پەکخستنی تۆڕی دارایی سپای قودسی سپای پاسداران و گرووپەکانی وەک حوسییەکان لە کارەکانی و دانانی سزای نوێ بەردەوام دەبێت.
هەروەها میلێر وتی داوا لە کۆمەڵگەی کەشتیوانیی نێودەوڵەتی دەکەین هەنگاوی زیاتر بۆ ڕێگریکردن لە سپای قودس، حوسییەکان و حیزبوڵڵای لوبنان لە خراپ بەکارهێنانی بازاڕەکانی وزەی جیهانی بنێن.
