ڕۆژی شەممە ١١ی ڕەشەممە ، کۆمیتە حیزبی دێمۆکراتی کوردستانی ئێران لە ناوچەی ئۆستفۆڵد بە کۆڕگێڕی تێکۆشەر کاک بابا عەلی مێهرپەروەر و بە بەشداری دوکتور کوێستان گادانی بەرپرسی کاروباری حیزب لە دەرەوەی وڵات و هەروەها بەشداریی بەشێکی بەرچاو لە ئەندامان و لایەنگرانی حیزب و نوێنەری ڕێکخراوە سیاسی و کۆمەڵایەتییه‌کان و کەسایەتی سەربەخۆ، یادی١٠ی خاکەلێوە بەڕێوە چوو.
کۆڕیادەکە بە سروودی نه‌ته‌وایه‌تی ئەی ڕەقیب و ساتێک بێ دەنگی بۆ ڕێزگرتن لە گیانی پاکی شەهیدانی کورد و کوردستان دەستی پێکرد.
پاشان مۆمی ڕێزگرتن لە یادی شەهیدانی ١٠ی خاکەلێوە لەلایەن خاتوو ئایشێ نارستی هاوسەری شەهید و خاتوو پیرۆز مەحموودی ئازەر، خوشکی شەهید هەڵگیرسا.
دواتر پەیامی کۆمیتە ناوچەی ئۆستفۆڵد لەلایەن بەرپرسی کۆمیتە ناوچە هیوا ئەحمەدی خوێندرایه‌وه.
بەو بۆنەوە چەند پارت و لایەنە سیاسییەکانی کوردستان پەیام و بروسکەی خۆیان ئاراستەی ئەو کۆڕیادە کرد کە بریتی بوون لە:
پارتی دیمۆکراتی کوردستان
کۆمەڵەی شۆڕشگێڕی زەحمەتکێشانی کوردستانی ئێران
پارتی دیمۆکراتی کوردی سووریە
تەڤگەری ئاڤاکردنا دێموکراتی کوردستان/ سووریە
ئەنجوومەنی نیشتیمانی سووریە (NEKS)
سازمانی خەباتی کوردستانی ئێران
پارتی ئازادی کوردستان پژاک
کۆمەڵەی زەحمەتکێشانی کوردستان
لە درێژەدا سروودی ئه‌ی شه‌هیدان له‌لایه‌ن پیران قادرزاده خویندرایەوە و دواتر مقامێک لە لایەن هێدی قادری پێشکەش کرا و هەروەها پەخشان لە لایەن حەسەن غەمبار و په‌خشان فه‌تاحی خوێندرایەوە.
لەو کۆڕیادەدا وێنەی پێشەوا قازی محەممەد لەلایەن هونەرمەند یووسف سووری پێشکەش بە کۆمیتەی حیزب کرد.
لە دڕێژەدا کاک باباعەلی مێهرپەروەر لە سەر هۆکارەکانی هەرەسهێنانی کۆماری کوردستان و شەهیدکردن و لە سێدارەدرانی پێشەوای نەمری قسەی کرد
ناوبراو وتی: خیانەت و فێڵەکانی قەوامولسەڵتەنە، بەشێک لە خیانەتی ناوخۆیی و دەست تێکەڵکردنیان لە گەڵ دوژمن، نەبوونی سیستمێکی بەهێزی بەرگری، لاواز بوونی بواری دارایی خەڵک لە ڕێگای ئابلۆقەی ئابووری، ئەزموونی تاڵی قەڵاچۆی خەڵکی ئازەربایجان و کۆمەڵک فاکتۆڕی دیکە لە هۆکارە سەرەکییەکانی کۆماری کوردستان بوون کە پێشەوا بۆ دووپات نەکردنەوەی ئەو کوشتارە لە خەڵکی کوردستان ، گیانی خۆی کردە قەڵغانی ئەو خەڵکە و بە شانازییەوە بە پێشوازی مەرگەوە چوو.
