ڕۆژی یەکشەممە، ١٩ی خاکەلێوە، حاجی ڕەسووڵ محەممەدی ئەرشەد، ئەندامی دێرینی حیزبی دێموکرات و خەلکی گوندی خڕێ ئاغەڵانی پیرانشار کۆچی دوایی کرد.
ماڵی حاجی ڕەسووڵ لە دیەی شەستەکاندا مەکۆی حەوانەوەی پێشمەرگەکان بووە و خۆی و خاتوو ئامانی خێزانی بەوپەڕی ڕێز و خۆشەویستییەوە ڕێزیان لە پێشمەرگەکانی کوردستان گرتووە.
حاجی ڕەسووڵ چەندین جار لەسەر حیزبی دێموکرات گیراوە و لەلایەن دەستوپێوەندییەکانی ڕێژیمەوە بێڕێزیی پێ کراوە.
حاجی ڕەسووڵ خزمەت بە گەل و نیشتمانی بە شانازی زانیوە و لەم پێناوەشدا لە هیچ خزمەتێک درێغی نەکردووە.
تەرمی ناوبراو لە گۆڕستانی کۆنەخانێ لەنێو ئاپۆڕای خزم و کەسوکاریدا بە خاکی پیرۆزی کوردستان ئەسپێردرا.
ناوەندی ڕاگەیاندنی حیزبی دێموکراتی کوردستانی ئێران، بەم بۆنەوە سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
