ڕۆژی سێشەممە ١٤ی خاکەلێوە، ئەندامێکی حیزبی دێموكرات و زیندانییەكی سیاسی بە ناوی سادق ڕەسوڵ زادە خەڵكی ئاوایی داشخانە سەر بە ناوچەی شاروێرانی مەهاباد بەهۆی جەڵتەی دڵەوە ماڵئاوایی لە ژیان كرد.
کاک سادق پێشتر بەهۆی چالاكی و ئەندامبوون لە حیزبدا ماوەی ٦مانگ و١ڕۆژ كەوتە بەندیخانەی كۆماری ئیسلامی و٣ مانگ لە ورمێ لە بەندیخانەی ئیتڵاعاتی ڕێژیمی ئێران لە ژێر ئەشكەنجە دابووە.
سادق كەسێكی نشتیمانپەروەر و حیزبدۆست بوو و لە ڕاپەڕاندنی ئەرک و ڕاسپارەكانی حیزب بۆ چركە ساتێكیش نەوەستاو و تا دوا هەناسە لە خزمەت حیزب و گەلەكەدا بوو.
جێگای ئاماژەیە کە برایەکی ناوبراو بەناوی مەنسور ڕەسوڵ زادە لە ڕیزەکانی حیزبی دێموکرات دایە و خزمەت بە گەل و نیشتمانەکەی دەکات.
تەرمی ناوبراو لەنێو ئاپۆڕای خەڵكی ناوچەكە لە گۆڕستانی شەبەكی خوڕخورە بە خاكی پیرۆزی نشتیمان ئەسپێردرا.
ناوەندی ڕاگەیاندنی حیزبی دێموکراتی کوردستانی ئێران بەم بۆنەوە سەرەخۆشی لە بنەماڵە و خزم و کەسوکاری سادق ڕەسوڵ زادە دەکات و خۆی بە هاوبەشی خەمیان دەزانێت.
