ڕۆژی یەکشەممە، ٢٣ی بانەمەڕ، خاتوو سوغرا مینبەری، خەڵکی گوندی نییەر، لە تەمەنی ٧١ ساڵیدا و بە هۆی نەخۆشیی دڵەوە کۆچی دوایی کرد.
برایەکی خاتوو سوغرا بە ناوی سەلاح مینبەری لە ڕیزی پێشمەرگەکانی حیزبی دێموکراتدا بووە کە بەداخەوە شەهید بووە .
خوالێخۆشبوو کاک حەسەن دێهقان، هاوژینی ناوبراو ماوەیکی درێژ چەکی خەباتی لە شان کرد و بە هەموو جورێک پاڵپشتی پێشمەرگە بوو.
خاتوو سوغرا ژنێکی نیشتمانپەروەر بوو و ماڵەکەی شوێنی حەسانەوەی پێشمەرگە بوو.
ناوبراو هەتا دواساتەکانی ژیانی وەفادار و ئەمەگناسی حیزبی دێموکرات بوو.
ناوەندی ڕاگەیاندنی حیزبی دێموکراتی کوردستانی ئێران بەم بۆنەوە، سەرخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
