وەزیری فەرهەنگ و ئێرشادی ڕێژیمی ئیسلامیی ئێران به مەبەستی بەرەوپێشبردنی ئامانجەکانی ڕێژیم، هەوڵی بەرهەمهێنانی یارییه کۆمپیوتەرییەکان لهسەر حیجاب و فەلەستین دەدات.
محەممەدمێهدی ئیسماعیلی، وەزیری فەرهەنگ و ئێرشادی ڕێژیم، ڕۆژی دووشەممە ٢٤ی بانەمەڕ، وێڕای ئاماژەدان بە دوو دەیە چالاکیی دامەزراوەی یارییە کۆمپیوتەرییەکان، وتی بەپێی ئەو بەرهەمانەی بەرهەم هێنراون، ئەولەویەت بە بەرهەمەکانی حیجاب و فەلەستینە.
هەروەها ناوبراو لەبارەی پێوەندیی بەرەوپێشبردنی ئامانجە جۆراوجۆرەکانی ڕێژیم لە دوو دەیەی ڕابردوودا وتی لەسەر بنەمای ئەولەویەتە فەرهەنگییەکان پشتیوانی و پێشخستنی ئارمانجەکانی ڕێژیم لە پێش هەر شتێکدایە.
ئیسماعیلی ئاماژەی بەوەدا کە لە ئێراندا ٣٤ ملیۆن یاریزانی یارییە کۆمپیوتەرییەکان هەن کە نزیکەی ٤ ملیۆنیان یاریزانی پێشکەوتوون.
شایانی باسە کە ناوەندی یارییە کۆمپیوتەرییەکان تاکە ناوەندێکە کە لەلایەن ڕێژیمی ئیسلامییەوە دەسەڵاتی داڕشتنی یاساوڕێسا و مۆڵەتی پێدراوە و بەرنامەکانی ڕاستەوخۆ بە ئامانجی بەرەوپێشبردنی سیاسەتەکانی ڕێژیم دادەڕێژێت.
