ڕۆژی هەینی ٤ی جۆزەردان، حاجی حەمیدە حەبیبی دایکی شەهیدێکی کوردستان لە ئاوایی موارەکاوای ناوچەی لەیلاخ لە شاری سنە، ماڵاوایی لە ژیان کرد.
کوڕێکی دایە حەمیدە بە ناوی ئەحمد موبارەکی لە ڕیزی پێشمەرگەکانی حیزبی دێموکراتدا بووە کە لە ڕێگای ڕزگاریی نیشتماندا شەهید بووە.
دایە حەمیدە ژنێکی نیشتمانپەروەر و دڵسۆز بوو کە هەمیشە شانازیی بە ڕێبازی کوڕە شەهیدەکەیەوە دەکرد.
تەرمی دایە حەمیدە بە بەشداریی بەرچاوی خەڵکی ناوچەکە بە خاکی پیرۆزی کوردستان ئەسپێردرا.
ناوەندی ڕاگەیاندنی حیزبی دێموکراتی کوردستانی ئێران بەم بۆنەوە سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
