ڕۆژی سێشەممە ١١ی بانەمەڕ، کاک براخاس ڕەزایی لە تەمەنی ٨٢ ساڵیدا، بە هۆی پیری و بەساڵاچووییەوە لە یەکێک لە نەخۆشخانەکانی شاری سنە کۆچی دوایی کرد.
کاک براخاس لەدایکبووی ساڵی۱۳۲۰ی هەتاوی لە ئاوایی تەنگیسەری دیمۆکرات پەروەر لە ناچەی ژاوەرۆی سنە و کەسێکی نیشتمانپەروەر دڵسۆزی حیزبی دیمۆکرات بوو.
کوڕێکی کاک براخاس بە ناوی ئەڵماس ڕەزایی ساڵانێک وەک ئەندامێکی چالاک لە نێوخۆ کاری کردووە و ئێستاش لە ڕیزی پێشمەرگەکانی حیزبدا خزمەت دەکا.
کاک براخاس لە دەی ٦۰ـەوە پێوەندی تەشکیلاتیی هەبووە و وەک ئەندامی حیزب خزمەتی کردووە.
تەرمی کاک براخاس هەمان ڕۆژ لەنێو ئاپۆڕای خەڵکی تەنگیسەر و گوندەکانی دەورووبەردا و لە زێدی خۆی بە خاکی پیرۆزی نیشتمان ئەسپێردرا و ئەندامان و دڵسۆزانی حیزبی دیمۆکرات بە ئاڵای کوردستان و یووبیلی حیزبی دیمۆکرات گۆڕەکەیان ڕازاندەوە.
ناوەندی ڕاگەیاندنی حیزبی دێموکراتی کوردستانی ئێران، بەم بۆنەوە سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
