ڕۆژی دووشەممە ٢٨ی جۆزەردان، ژنیکی دڵسۆز و نیشتمانپەروەر بە ناوی دایە سارا عەلی بەیگی تەمەن ٨٧ ساڵ، هاوژینی ڕەحیم ئاغای کەرەمی یاڵاوا بەهۆی نەخۆشییەوە لە گوندی یاڵاوا سەر بە شاری مەهاباد کۆچی دوایی کرد.
ناوبراو ژنێکی نیشتمانپەروەر و زەحمەتکێش و وەفادار بە ڕێبازی حیزبی دێموکرات و پێشمەرگە خۆشەویست بوو.
دایە سارا لە ساڵەکانی ٦٠ی هەتاویدا ئەندامی حیزب بووە و ڕۆڵێکی باشی لە خزمەتی پێشمەرگەکانی هێزی پێشەوادا هەبووە.
ناوەندی ڕاگەیاندنی حیزبی دێموکراتی کوردستانی ئێران بەم بۆنەوە، سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
