ڕۆژی یەکشەممە ٣ی پووشپەڕ، کاک عەبدوڵڵا ئاگوشی، ناسراو بە عەوڵا سوور پێشمەرگەی پێشووی حیزب و لە تێکۆشەرانی ٤٦_٤٧ بە هۆی نەخۆشییەوە کۆچی دوایی کرد.
کاک عەبدوڵڵا خەڵکی گوندی نەڵێن، سەر بە شاری پیرانشار بوو و پاش چەندین ساڵ پێشمەرگایەتی، لەسەر ئیزنی حیزب گەڕایەوە نێوخۆی کوردستان و وەک ئەندامی حیزب درێژەی بە تێکۆشانی نەتەوەیی خۆی دا.
ناوبراو یەکێک لە ئەندامە چالاکەکانی حیزبی دێموکرات لە ناوچەی نەڵێن بوو کە بەردەوام هاوکار و پشتیوانی کۆمیتە ناوچەی نەڵێن بوو.
کاک عەبدوڵڵا زۆر جار لەلایەن ئیتلاعات و دەزگا سیخوڕییەکانی ڕێژیمەوە دەسبەسەر کراوە و ئازار و ئەشکەنجە دراوە بەڵام هیچکات پاشەکشەی لە داواکاری و چالاکەییەکانی نەکرد.
ناوەندی ڕاگەیاندنی حیزبی دێموکراتی کوردستانی ئێران، بەم بۆنەوە سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
