یەکیەتیی مامۆستایانی ئێران بە بڵاوکردنەوەی بەیاننامەیەک حوکمی لەسێدارەدانی شەریفە محەممەدی چالاکی کرێکاریی مەحکووم کرد و ڕایگەیاند کە لە بەدواداچوون بۆ داواکارییەکانی خەڵکی ئێران هەمیشە لەگەڵ بزووتنەوە ماخوازنە دەبێت .
لە بەشێکی بەیاننامەکەی یەکیەتیی مامۆستایاندا هاتووە کە گرتن و سزای لەسێدارەدان بۆ شەریفە محەممەدی هەوڵێکە لەلایەن دەسەڵاتەدوە بۆ دروستکردنی ترس و ڕێگریکردن لە ڕێکخستنی جەماوەری.
دەرکردنی حوکمی قورسی قەزایی بۆ چالاکانی سێنفی و مەدەنی و سیاسی دوای ناڕەزایەتییە سەرتاسەرییەکانی ساڵی ١٤٠١ نیشاندەری زیادبوونی کەلێنی نێوان خەڵک و ڕێژیمە کە هەڵوەشاندنەوەی ئەو سزایانە و ئازادیی چالاکوانان "دەتوانێ هەنگاوێک بێت بۆ چاککردنەوەی ئەو بۆشاییە".
لەم بەیاننامەیەدا، بزووتنەوەی ''ژن، ژیان، ئازادی'' وەک یەکێک لە گرینگترین بزووتنەوەکانی مێژووی هاوچەرخی ئێران" ناوی لێ براوە و باس لەوە کراوە کە ئەم بزووتنەوەیە دەستکەوتی گرینگی هەبووە، یەکێک لەوانە پێشەگایەتیی ژنان و کچان بۆ وەدیهێنانی مافەکانیان بووە.
