ڕۆژی یەکشەممە ۲۴ی پووشپەڕ خاتوو خانزاد چووپانی دایکی سولەیمان ئەحمەدنژاد ئەندامی حیزبی دێموکرات بە هۆی نەخۆشی و بەساڵاچووییەوە لە تەمەنی ٨٢ ساڵیدا، لە شاری مەهاباد کۆچی دوایی کرد.
خاتوو خانزاد چووپانی هاوسەری کۆچکردوو قادر ئەحمەدنژاد و کچی محەممەدئەمین چووپانی بوو.
خاتوو خانزاد ژنێکی نیشتمانپەروەر و پێشمەرگە خۆشەویست بوو و تا دوایین ساتەکانی ژیانی وەفادار بە ڕێبازی حیزبی دێموکرات مایەوە.
کوڕێکی دایە خانزاد بە ناوی سولەیمان ئەحمەدنژاد ساڵی ٦٢ی هەتاوی بووەتە پێشمەرگە و ئێستا وەکوو ئەندامی ئاشکرای حیزبی دێموکرات لە وڵاتی نۆروێژ درێژە بە ئەرکی نیشتمانیی خۆی دەدات.
ناوەندی ڕاگەیاندنی حیزبی دێموکراتی کوردستانی ئێران بە بۆنەوە، سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
