لە ماوەی ڕۆژانی ڕابردوودا ئەندامێکی حیزبی دێموکراتی کوردستانی ئێران بە ناوی عەبدوڵڵا کەرەمی ناسراو بە ''عەبدوڵڵا هێڵڕو'' ماڵاوایی لە ژیان کرد.
کاک عەبدوڵڵا بەهۆی ئەندامییەتی لە حیزبی دێموکرات، لەلایەن ڕێژیمی کۆماری ئیسلامییەوە زیندانی و ئەشکەنجە دراوە و حوکمی ئێعدامی بەسەردا سەپێنرابوو و دوای هەڵوەشانەوەی حوکمی ئێعدامەکەی و بۆ شاری سێمنان دوور خرایەوە.
ناوەندی ڕاگەیاندنی حیزبی دێموکراتی کوردستانی ئێران، بەم بۆنەوە سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
