ڕۆژی سێشەممە ٦ی خەرمانانی ١٤٠٣، گەلاوێژ محەممەدی ئەرشەد، هاووڵاتیی خەڵکی مەهاباد بە دانانی بارمتەی ٧٠٠ میلیۆن تمەنی و بە شێوەی کاتی لە بەندیخانەی ناوەندیی ورمێ ئازاد کرا.
ئەم هاووڵاتییە بە مەبەستی لێپرسینەوە بۆ یەکێک لە گرتنگە ئەمنییەتییەکانی ورمێ و پاش کۆتاییهاتنی قۆناغەکانی لێپرسینەوە بۆ بەندیخانەی ئەم شارە ڕاگوێزراوە.
ڕۆژی چوارشەممە ٢٤ی گەلاوێژی ١٤٠٣، گەلاوێژ محەممەدی ئەرشەد تەمەن ٤٥ ساڵ و کچی ئیبراهیم، بە بێ بەڵگەی دادوەری لەلایەن هێزە ئەمنییەتییەکانەوە لە گەڕەکی "باغی شایگان"ی مەهاباد دەسبەسەر کرا.
تاکوو ئێستا سەبارەت بە هۆکاری دەسبەسەرکران و تۆمەتە وەپاڵدراوەکان دژی گەلاوێژ محەممەدی ئەرشەد زانیارییەکی ورد لەبەر دەستدا نییە.
