ڕۆژی یەکشەممە ١٤ی گەلاوێژ، ئەندامێکی حیزبی دێموکرات بەناوی هوشیار ئەحمەدی خەڵکی گۆندی دەگاگای سەوڵاوا، کوڕی دەروێش حوسێن و سەفیە و برای شەهیدی فەرماندە بەختیار ئەحمەدی، بەهۆی نەخۆشییەوە لە نەخۆشخانەی مەریوان لە تەمەنی ٥٥ ساڵیدا کۆچی دوایی کرد.
کاک هۆشیار لە نێوان ساڵەکانی ۶۶ تا ۶۸ی هەتاوی بەهۆی ئەندامبوونی لە حیزبی دێموکراتی کوردستانی ئێران گیرا و ماوەی دوو ساڵ لە زیندانی مەریواندا بووە.
ناوەندی ڕاگەیاندنی حیزبی دێموکراتی کوردستانی ئێران بەم بۆنەوە سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
