ڕۆژی دووشەممە ١٢ی خەرمانانی ١٤٠٣ چنوور گەڵوانی کچی کاک مستەفا گەڵوانی کادری لەمێژینەی حیزبی دێموکراتی کوردستانی ئێران و هاوژینی کامران محەممەدزادە پێشمەرگەی حیزب بەهۆی نەخۆشی لە تەمەنی ٤٠ ساڵیدا گیانی لەدەست دا.
چنوور گەڵوانی کچی مستەفا گەڵوانی و ئامینە ساوجوبڵاغی دەرچووی پەیمانگای ڕاگەیاندن بوو.
ناوبراو کچی بنەماڵەیەکی دڵپاک و بەڕێزی نێو ڕیزەکانی حیزبی دێموکرات بوو و ماوەی چەند ساڵ بوو لەگەڵ یەکێک لە پێشمەرگەکانی حیزب بە ناوی کامڕان محمەممەدزادە ژیانی پێک هێنابوو.
خاتوو چنوور کچێکی ١٣ ساڵانی هەیە و هێشتا دونیایەک ئاوات و ئارەزوو بۆ خۆی و کچەکەی لە دڵی دابوو کە پێی نەگەیشت.
ناوەندی ڕاگەیاندنی حیزبی دێموکراتی کوردستانی ئێران بەم بۆنەوە سەرەخۆشی لە بنەماڵە و کەسوکاری ناوبراو دەکات و خۆی بە هاوخەمیان دەزانێت.
