ڕۆژی شەممە، ٧ی ڕەزبەر، حاجی ''فایەق مۆحێبی نیا'' کوڕی "ڕۆستم" کەسایەتیی دیار و خۆشناوی دەڤەری سۆما و برادۆستی سەر بە شاری ورمێ، بە هۆی نەخۆشییەوە لە یەکێک لە نەخۆشخانەکانی شاری ورمێ و تەمەنی ٨٠ ساڵیدا کۆچی دوایی کرد.
خوالێخۆشبوو کەسایەتییەکی نیشتمانپەروەر بوو .
ناوبراو لە بنەماڵەیەکی کوردپەروەر و دیاری شاری ورمێ لە گوندی ''ئاخ چەقەڵ''ی سەر بە دەڤەری سۆما و برادۆست لەدایک بووە.
حاجی ''فایەق'' کەسایەتییەکی خۆشناو و جێی باوەڕی خەڵکی ناوچەکە و کەسێکی کۆمەڵایەتیی ئەو ناوچەیە بوو. تەرمی ناوبراو لە نێو ئاپۆرای خەڵکی کوردپەروەری شاری ورمێ و دەوروبەری لە گۆڕستانی "میرئاوا"ی "تەرزیلوو" بە خاکی پیرۆزی کوردستان ئەسپێردرا.
ناوەندی ڕاگەیاندنی حیزبی دێموکراتی کوردستانی ئێران، بەم بۆنەوە سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
