ڕۆژی چوارشەممە ٤ی ڕەزبەر دایە پیرۆز ڕەسووڵی، کچی محەممەدکەریم و خەڵکی گوندی تەشار لە ناوچەی هەورامان سەر بە شاری نەوسوود لە تەمەنی ٨۳ ساڵیدا و بە هۆی پیری و بەساڵاچووییەوە کۆچی دوایی کرد.
کوڕێکی دایە پیرۆز بە ناوی حەمەکەریم مورادی لە ڕیزەکانی حیزبی دێموکراتدا پێشمەرگەیە.
لە بنەماڵەی دایە پیرۆز بەشێکیان پێشمەرگەی حیزبی دیمۆکراتی کوردستانی ئێران بوون و وەک بنەماڵەیەکی شۆڕشگێر و دڵسۆز هەردەم لە خزمەتی گەلەکەیاندا بوون.
تەرمی دایە پیرۆز ڕەسووڵی لە گوڕستانی گشتیی شاری پاوە بە خاک ئەسپێردرا.
ناوەندی ڕاگەیاندنی حیزبی دێموکراتی کوردستانی ئێران بەم بۆنەوە سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
