دوابەدوای هێرشە مووشەکییەکەی سپای پاسداران بۆ سەر ئیسرائیل و زیادبوونی گرژیی نێوان کۆماری ئیسلامی و ئەم وڵاتە، ڕۆژی یەکشەممە ١٥ی ڕەزبەر، نرخی دۆلار لە بازاڕی ئازادی تاران ٦٣ هەزار تمەنی تێپەڕاند و هەروەها سکەی زێریش ڕێکۆردێکی مێژوویی نوێی تۆمار کرد.
لە کۆتایی مامەڵەکانی ڕۆژی یەکشەممەدا، پێوەری گشتیی بازاڕی بوورس پێنج هەزار خاڵ دابەزی و گەیشتە دوو میلیۆن و ١٠١ هەزار خاڵ.
ڕۆژی شەممە نرخی دۆلار ٦٢ هەزار تمەن بوو، بەڵام ڕۆژی یەکشەممە بە بەرزبوونەوەی زیاتر لە سەدا یەک، گەیشتە نزیکەی ٦٣ هەزار و ٦٥٠ تمەن.
هەر یۆرۆیەک لە ڕۆژی یەکشەممەدا بە بەراورد لەگەڵ ڕۆژی پێشوو نزیکەی ٨٠٠ تمەن زیادی کردووە و لە بازاڕی دراوی ئازاددا بە ٦٩ هەزار و ٤٠٠ تمەن مامەڵەی پێوە کراوە.
هەروەها نرخی پۆند بە بەراورد بە ڕۆژی شەممە هەزار تمەن زیادی کردووە و ڕۆژی یەکشەممە گەیشتووەتە نزیکەی ٨٤ هەزار و ٤٠٠ تمەن.
جگە لە بازاڕی دراو، سکەش نزیکەی ٢.٢ لەسەد بەرابەر بە یەک میلیۆن و ١٠٠ هەزار تمەن بەرزبوونەوەی بەخۆیەوە بینیوە.
نرخی سکەی زێڕی دیزاینی نوێ لە بازاڕی تاران ڕۆژی یەکشەممە ٤٩ میلیۆن و ٦٠٠ هەزار تمەنی تێپەڕاند.
