ڕۆژی دووشەممە ٢١ی خەزەڵوەر، دایە سۆعدا (سودابە) بەنگین پوور دایکی شەهید ساڵە جهانگیری بەهۆی نەخوشییەوە لە گوندی وشتەپەی بۆکان کۆچی دوایی کرد.
دایە سۆعدا ژنێکی دڵسۆز و نیشتمانپەروەر بوو، هەمیشە ئاواتی ئەوە بوو ئاواتی شەهیدان وەدی بێت و ئازادی و ڕزگاریی گەلەکەی بە چاوی خۆی ببینێت.
شەهید ساڵە جەهانگیری ساڵی ١٣٤٣ لە گوندی وشتەپە سەر بە شاری بۆکان لە دایک بووە؛ ناوبراو دوای پێوەستبوونی بە ڕیزەکانی حیزب و فیداکارییەکی زۆر لە هێزی بەیان، ڕێکەوتی ١٣ی خاکەلێوی ساڵی ١٣٧٣ لە هەڵەبجە تێرۆر کراوە.
ناوەندی ڕاگەیاندنی حیزبی دێموکراتی کوردستانی ئێران، بەم بۆنەوە سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
