"هانا مەعرووفی"، خەڵکی ڕۆژهەڵاتی کوردستان و ئەندامی یەکیەتی لاوانی ڕۆژهەڵاتی کوردستان، لە "بەرزکردنەوەی قورسایی" لە کێشی ٥٩ کیلۆدا بە بەرزکردنەوەی ٨٨ کیلۆ، لە پێشبڕکێی وڵاتانی باکووری ئورووپا میداڵی زیڕی بەدەست هێنا.
ئەم کێبڕكێیە لە وڵاتی دانمارک بەڕێوە چوو و هانا وەک هەڵبژاردەی تیمی میللیی وڵاتی نۆروێژ لەم کێبڕکێیەدا پلەی یەکەمی بەدەست هێنا و بوو بە خاوەنی میداڵی زێڕ.
وڵاتانی بەشدار لەو پێشبرکێیەدا بریتی بوون لە: نۆروێژ، دانمارک، سوید، فینلاند، ئیسلەند و دوورگەی فارۆ.
هانا تەمەنی ٢٠ ساڵە و لە زۆر پێشبڕکێ لە بواری جۆراوجۆری وەرزشیدا بە تایبەت لە بواری ژیمناستیک و بەرزکردنەوەی قورسایی بەشداریی کردووە.
