ڕۆژی یەکشەممە ١٨ی سەرماوەز، کاک توفیق فاروقی پێشمەرگەی پێشووی حیزبی دێموکراتی کوردستانی ئێران خەڵکی گوندی گوێگجەلی و دانیشتووی شاری بۆکان بەهۆی نەشتەرگری فەقەراتی پشت لە شاری تاران کۆچی دوایی کرد.
کاک توفیق لە لووتکەی خەباتی چەکداری ساڵەکانی ٦٥ و ٦٦ پێشمەرگە بوو پاشان لەسەر ئیزنی حیزب گەڕایەوە نێو بنەماڵەکەی و لەو ماوەیە وەک کەسایەتییەکی خۆشەویستی خەڵک و حیزب لە نێوخۆ ئەرکی کوردایەتی بەڕێوە دەبرد.
ناوبراو کەسێکی دڵسۆز و نیشتمانپەروەر بوو و زۆر جار بۆنە نیشتمانییەکان لە ماڵی ئەودا بەڕێوە دەچوون.
ناوەندی ڕاگەیاندنی حیزبی دێموکراتی کوردستانی ئێران، بەم بۆنەوە سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
