سزای دەرکرانی لەیلا سەلیمی، مامۆستای وانەی پەروەرشی و چالاکی سێنفیی مامۆستایان لەلایەن لێژنەی پێداچوونەوەی سەرپێچییە ئیدارییەکانی وەزارەتی پەروەردەوە بە دوو مانگ دوورخرانەوە لە کار گۆڕدرا.
ئەم مامۆستایە سەرەتاکانی ساڵی ١٤٠٣، بە تۆمەتی "چالاکیی سێنفی و ئەندامەتی لە ئەنجومەنی سێنفیی مامۆستایانی کوردستان – سنە" لەلایەن لێژنەی پێڕاگەیشتن بە سەرپێچییە ئیدارییەکانی وەزارەتی پەروەردەوە بە دەرکران لە کارەکەی سزا درابوو.
پاش ناڕەزایەتیدەربڕینی لەیلا سەلیمی بە سزای سەرەتایی و لێکدانەوەی دۆسییەکەی و بەڕێوەچوونی کۆبوونەوەکان بە بەشداریی خۆی، سزای دەرکرانەکەی لە لێژنەی پێداچوونەوە بە سەرپێچییە ئیدارییەکانی وەزارەتی پەروەردەدا بە دوو مانگ دوورخرانەوە لە کارەکەی گۆڕدرا.
لەیلا سەلیمی دەرچووی بواری کارگێڕی لە ئاستی دوکتورایە و ٣٢ ساڵ پێشینەی وانەوتنەوە و مامۆستایەتیی هەیە.
