بەپێی ڕاپۆرتی چاو نیووز، ڕۆژی چوارشەممە ٦ی بەفرانبار، ئیبراهیم گوڵعەنبەر، برای ئیسماعێل گوڵعەنبەر لە شەهیدانی بزووتنەوەی ژینا، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ئیبراهیم لە کاتێکدا کە لەگەڵ بنەماڵەکەی خەریکی ڕۆیشتنەوە لە تارانەوە بۆ جوانڕۆ بووە، لە نزیک شاری بێستوون، لەلایەن هێزەکانی ڕێژیمەوە بە بێ بەڵگەی یاسایی دەسبەسەر کراوە و بۆ شوێنێکی نادیار ڕاگوێزراوە.
تاکوو ئێستا سەبارەت بە هۆکاری دەسبەسەرکران و تۆمەتە وەپاڵدراوەکان دژی ئەم هاووڵاتییە زانیارییەک دەست نەکەوتووە.
ڕۆژی شەممە ٣٠ی خەزەڵوەری ١٤٠١، ئیسماعێل گوڵعەنبەر، لە کاتی بەخاکسپاردنی تەرمی دوو کەس لە شەهیدانی شۆڕشی ژینا بە ناوەکانی بەهادین وەیسی و عرفان کاکایی، کەوتە بەر دەسڕێژی هێزە چەکدارەکانی ڕێژیم و شەهید بوو.
