ڕۆژی شەممە ٨ی بەفرانبار، کاک هەمزە حیسامی پێشمەرگەی پێشووی حیزبی دێموکراتی کوردستانی ئێران، بە هۆی نەخۆشییەوە لە پیرانشار کۆچی دوایی کرد.
کاک هەمزە ماوەی نزیک بە پێنج ساڵ لە لکی چواری هێزی ئاوارە پێشمەرگە بوو و جارێکیش لە شەڕ و بەربەرەکانێدا بریندار بوو.
ناوبراو دوای ماوەیەک، لەسەر ئیزنی حیزب گەڕایەوە نێوخۆی کوردستان و هەتا دوایین ساتەکانی ژیانی وەفادار بە رێبازی دێموکرات مایەوە.
ناوەندی ڕاگەیاندنی حیزبی دێموکراتی کوردستانی ئێران، بەم بۆنەوە سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
