ڕۆژی چوارشەممە ١٢ی بەفرانبار، کاک ئەحمەد حەبیبی کوڕی عەبدولکەریم و خەڵکی گوندی مازی بن، لە تەمەنی ٧٠ ساڵیدا و بە هۆی نەخۆشییەوە کۆچی دوایی کرد.
ناوبراو ئەندامێکی دڵسۆز و جێگەی باوەڕی خەڵکی ناوچەکە بوو کە ماڵەکەی جێگای حەوانەوەی کادر و پێشمەرگەکانی حیزب بوو.
ناوبراو شاعیرێکی نەتەوەیی بوو کە بە شێعرەکانی خەبات و هەڵسوکەوتی پێشمەرگەی دەهۆنیەوە؛ کاک ئەحمەد ساڵی ۹۱ دەسبەسەر کرا و ئازار و ئەشکنجەی زۆریان دا و لە کاتی دەسبەسەرکرانیدا شێعرەکانی کەوتنە دەستی ڕێژیم.
کاک ئەحمەد هەتا دوایین ساتەکانی ژیانی وەفادار بە ڕێبازی حیزبی دێموکرات مایەوە.
ناوەندی ڕاگەیاندنی حیزبی دێموکراتی کوردستانی ئێران، بەم بۆنەوە سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
