ڕۆژی پێنجشەممە ١٣ی بەفرانبار، سارۆ سووزەنی لاوی هونەرمەندی خەڵکی سەقز، لە تەمەنی ٢٢ ساڵیدا و بە ڕووداوی هاتوچۆ لە ڕێگای سەقز - دیواندەرە کۆچی دوایی کرد.
سارۆ سووزەنی کوڕی ئیبراهیم سووزەنی و سووسەن پاكڕەوان، یەکێک لە هونەرمەندانی خۆشناوی سەقز و سەر بە بنەماڵەیەکەی خۆشناوی ئەم شارە بوو بە تایبەتی لە ڕەوتی بزووتنەوەی ژینادا خاوەن هەڵوێست و کاردانەوەی شۆڕشگێڕانە بوو.
سارۆ سووزەنی لاوێکی خوێنگەرم، هونەرمەندێکی پڕ لە وزە و ڕوو لە گەشە بوو کە بە کارە هونەرییەکانی جێگای خۆی لە دڵی خەڵکی کوردستاندا کردبووەوە.
تەرمی ئەم هونەرمەندە ئەمڕۆ هەینی ١٤ی بەفرانبار لە نێو ئاپۆڕای خەڵکی نیشتمانپەروەری سەقز و کوردستان لە گۆڕستانی ئایچیی سەقز بە خاک سپێردرا.
ناوەندی راگەیاندنی حیزبی دێموکراتی کوردستانی ئێران، بەم بۆنەوە سەرەخۆشی لە بنەماڵە و خزم و کەسی ناوبراو و خەڵکی هونەردۆستی کوردستان دەکات و خۆی بە هاوبەشی خەمیان دەزانێت.
