دوابەدوای بانگەوازی شەش حیزب و لایەنی سیاسی بۆ بەڕێوەبردنی مانگرتنی گشتی بە مەبەستی دژایەتیکردن لەگەڵ سزای لەسێدارەدان، شاری مەهاباد پەیوەستی مانگرتنەکە بوو.
ناوەندە سەرکوتکەرەکانی ڕێژیم، بۆ دوانیوەڕۆی ئەمڕۆ چوارشەممە ٣ی ڕێبەندان، لە ڕێگەی پێوەندیی تلفۆنی و کورتەنامەوە هەڕەشەیان لە خەڵک کردووە کە دەبێ دووکانیان بکەنەوە.
بەپێی زانیارییەکان دوانیوەڕۆی ئەمڕۆ زیاتر لە ٦٠ لەسەدی شار پەیوەستی مانگرتنەکە بوون.
ڕێژیم کورتەنامەی بۆ دووکانداران و بازاڕییانی بەرانبەر بانکی میللی، مەلاجامی، مەیدانی حەمەخرچە و مەیدانی مونگوڕان ناردووە و هەڕەشەی پلۆمپ و هەڵسوکەوتی یاسایی و پێبژاردنی نەختی لێ کردوون.
