ڕۆژی چوارشەممە یەکی ڕەشەمە، کاک مەحموود ئارامش، پێشمەرگەی پێشووی حیزبی دێموکرات ناسراو بە مەحموودی عەلی فەرامەرز، بە هۆی نەخۆشییەوە لە یەکێک لە نەخۆشخانەکانی شاری تەورێز کۆچی دوایی کرد.
ناوبراو ساڵی ١٣٣٨ لە عەسکەرئاباد لە دایک بووە و برای شەهیدان کەریم، محەممەد و سلێمان ئارامش بووە و چەند ساڵێکیش وەک پێشمەرگە لە ڕیزەکانی حیزبی دێموکراتدا خزمەتی بە گەل و نیشتمانەکەی کردووە.
ناوبراو چەندین جار لەلایەن ڕێژیمەوە لە میاندواو گیراوە و کەسایەتییەکی حیزبدۆست و نیشتمانپەروەر بووە.
تەرمی ناوبراو ڕۆژی پێنجشەممە ٢ی ڕەشەمە لە نێو ئاپۆرای خەڵکی ناوچەکەدا بە خاک ئەسپێردرا و دواتر گۆڕەکەی بە یوبیلی حیزب و ئاڵای کوردستان و جامانە ڕازێندرایەوە.
ناوەندی ڕاگەیاندنی حیزبی دێموکراتی کوردستانی ئێران، بەم بۆنەوە سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
