ئەمڕۆ پێنجشەممە ٢٣ی ڕەشەمە، ڕێوڕەسمکی تایبەت بۆ پێشوازیی منداڵانی کورد لە نەورۆزی کوردەواری لەلایەن "ئەنجومەنی ئەدەبیاتی منداڵان و مێرمنداڵانی نیشتمان"ی بۆکان و لە ساڵۆنی مەستوورە کوردستانیی ئەم شارە بەڕێوە چوو.
ڕێوڕسمەکە بە بەشداریی ژمارەیەکی بەرچاو لە کەسایەتییەکانی نێو شاری بۆکان، بەتایبەت کەسایەتییە ئەدەبی و فەرهەنگییەکان و چالاکانی بواری منداڵان بەڕێوە چوو.
لەم ڕێوڕەسمەدا وێڕای پێدانی هەندێ زانیاریی پێشوەختە سەبارەت بە پاراستنی ژینگەی کوردستان لە کاتی پشوو و سەیرانە نەورۆزییەکاندا، منداڵانی بەشداربوو بە وتنەوەی سروود و گۆرانی ڕێوڕەسمەکەیان زیاتر ڕازاندنەوە.
