ڕۆژی هەینی ٢٤ی ڕەشەمە ڕێوڕەسمی ساڵانەی بەخشینی خەڵاتی نێ لە شارۆچکەی نێ سەر بە شاری مەریوان لە پارێزگای سنە لە مزگەوتی جابانی کوردی شارەدێی نێ بەڕێوەچوو.
لەو ڕێوڕەسمەدا مامۆستای مزگەوتی جابانی کوردی نێ بە وردی باسی لە خەڵاتی نێ و ئامانجیان لە بەخشینی ئەو خەڵاتە کرد.
لە ڕێوڕەسمی ئەمساڵدا ئەو خەڵاتە پێشکەش بە ئەنجومەبی سەوزی چیای مەریوان و ئەنجومەنی ڤەژینی مەریوان کرا کە لە ماوەی ساڵانی ڕابردوودا بە کار و چالاکییەکانیان ڕۆڵ و کاریگەریی زۆریان لە کۆمەڵگای کوردەواریدا هەبووە و زەحمەتیان کێشاوە.
خەڵاتی ئەمساڵی نێ لەلایەن پیاوە بە تەمەنەکانی شارەدێی "نێ"وە پێشکەش بە کاک ناجی کانی سانانی وەک نوێنەری ئەنجومەنی سەوزی چیای مەریوان و هەروەها کاک دکتور مەحموود موبارەکشایی وەک نوێنەری ئەنجومەنی ڤەژین لە مەریوان کرا.
خەڵاتی نێ خەڵاتێكی ساڵانەیە کە بە کەسایەتی، ناوەند یان ئەو لایەنانە دەبەخشرێت کە لە بواری خزمەت بە خاک، نەتەوە و نیشتمان جێ پەنجەیان لە مەریوان و کوردستان دیارە.
ئەمە دووهەمین ساڵە کە ئەم خەڵاتە پێشکەش دەکرێت.
