ڕۆژی هەینی یەکی خاکەلێوەی ١٤٠٤، دایە فاتم قڕانی دایکی شەهیدێکی کوردستان بە هۆی نەخۆشییەوە کۆچی دوایی کرد.
کۆڕێکی دایە فاتم بە ناوی عەبدوڵڵا بادنەورۆزی ناسراو بە عەوڵا چەکۆ، لە ڕیزی پێشمەرگەکانی حیزبی دێموکراتدا شەهید بووە.
عەبدوڵڵا بادنەورۆزی لەدایکبووی ساڵی ٤٨ی هەتاوی بووە کە لە گەلاوێژی ساڵی ٦٧دا و لە تێکهەڵچوونێک لەگەڵ هێزەکانی ڕێژیم لە مەهاباد شەهید بووە.
دایە فاتم دایکێکی نیشتمانپەروەر بوو و هەتا دوایین ساتەکانی ژیانی وەفادار بە ڕێبازی کوڕە شەهیدەکەی مایەوە.
ناوەندی ڕاگەیاندنی حیزبی دێموکراتی کوردستانی ئێران، بەم بۆنەوە سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
