ئەمڕۆ شەممە ١١ی ڕەشەمەی ١٤٠٣ی هەتاوی، ٤٦ساڵ بەسەر خەباتی ئاشکرای حیزبی دێموکراتی کوردستانی ئێراندا تێپەڕی. لە یەكەم كۆبوونەوەی ئاشكرای حیزب که دوای سەركەوتنی شۆڕشی گەلانی ئێران، لە ستادیۆمی شاری مەهاباد پێكهات، دوکتور قاسملوو بە ئاشکرا خەباتی حیزبی دێموکراتی ڕاگەیاند.
١١ی ڕەشەمە بە ڕۆژێکی مێژوویی گرینگ لە جووڵانەوەی سیاسیی کورد بەگشتی و حیزبی دێموکراتی کوردستانی ئێران بەتایبەتی دێتە ئەژمار.
لەو ڕۆژەدا دوکتور قاسملوو لە میتینگێکی ١٠٠ هەزار کەسی لە شاری مەهاباد ئاشکرابوونی خەباتی ئەو حیزبەی ڕاگەیاند و وتارێکی لەسەر مێژووی حیزب و داوا ڕەواکانی گەلی کورد و مافی چارەنووس و ئەرک و ئەندامانی حیزب و گرنگیی کاری تەشکیلاتی پێشکەش کرد.
