ڕۆژی هەینی۲۲ی خاکەلێوەی ١٤٠٤، شۆڕش ئیفتخاری کوڕی شەهیدی فەرماندە قادر ئیفتخاری بە هۆی وەرگەڕانی ترەیلی لە ڕێگای سنە بۆ مەریوان گیانی لەدەست دا.
شۆڕش ئیفتخاری تەمەنی ٤٣ ساڵ بووە و لە ڕووداوێکی هاوتۆچۆدا لەگەڵ ٥ کەسی دیکە گیانی لەدەست داوە.
شەهید قادر ئیفتخاری ساڵی ١٣٣١ لە چەشمەگوڵ لە دایک بووە. ناوبراو فەرماندەی هێز بووە و لە ڕۆژی ٥ی سەرماوەزی ١٣٦٢ی هەتاویدا لە تیكهەڵەچوون لەگەڵ هێزەکانی ڕێژیم لە شنۆ شەهید بووە و تەرمەکەی لە زەنگیاوێی پیرانشار بە خاکی کوردستان سپێردراوە.
ناوەندی ڕاگەیاندنی حیزبی دێموکراتی کوردستانی ئێران، بەم بۆنەوە سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
