ڕۆژی چوارشەممە ١٣ی خاکەلێوە، دایە گوڵناز ڕەحیمی ناسراو بە حاجی ژن، دایکی شەهیدێکی ڕێگای ڕزگاریی کوردستان بە هۆی جەڵتەی دڵەوە لە تەمەنی ٨٥ ساڵیدا و لە هەولێر کۆچی دوایی کرد.
دادە گوڵناز ڕەحیمی خەڵکی ئاوایی "وەردان"ی ناوچەی سەڵماس، دایكی شەهیدی قارەمان و كادری ناسراوی حیزب و خۆشەویستی كۆمەڵانی خەڵک "غەفوور مێهدیزادە" بوو كە لە وڵاتی سویدەوە هاتبووەوە بۆ هەرێمی كوردستان و لە نەخۆشخانەیەكی شاری هەولێر كۆچی دوایی كرد.
دایە گولناز دایکێکی نیشتمانپەروەر و تێکۆشەرێکی دیار و خۆشەویست بوو.
حیزبی دێموكراتی كوردستان بەو بۆنەیەوە هاوخەمی و سەرەخۆشی خۆی بە كەسوكاری دادە گوڵناز و بنەمالەی شەهید غەفوور ڕادەگەینێ و خوی لە خەمیاندا بە شەریك و هاوبەش دەزانێ.
