ڕۆژی چوارشەممە ٣ی بانەمەڕی ١٤٠٤، کاک ئەحمەد خدرحاجی دانیشتووی گوندی دزەی مەرگەوەڕی ورمێ، کۆچی دوایی کرد.
کاک ئەحمەد، ساڵی ۱۳٥۹ پێشمەرگەی حیزبی دێموکرات بووە و دواتر بە هۆی بارودۆخی ژیانی بنەماڵە بە ئاگاداریی حیزب، سەنگەری خەباتی گواستەوە ناوخۆی ڕۆژهەڵاتی کوردستان و لەوێوە وەک ئەمەگدارێکی ڕێبازی دێموکرات درێژەی بە کار و چالاکییەکانی دا.
هەروەها ناوبراو کەسایەتییەکی خۆشناو و نیشتمانپەروەر بوو کە چەندین جاریش لەلایەن ڕێژیمەوە ڕووبەڕووی لێدان و هەڕەشە بووەوە.
کاک ئەحمەد هەتا دوایین ساتەکانی ژیانی، وەفادار بە ڕێبازی حیزبی دێموکرات مایەوە و وەک کەسایەتییەکی جێگای باوەڕ، هەر کات ئەرکێکی بۆ ئەندامانی نێوخۆی حیزب لە دەست هاتبا، بە دڵێکی فراوان ئەنجامی دەدا.
ناوەندی ڕاگەیاندنی حیزبی دێموکراتی کوردستانی ئێران، بەم بۆنەوە سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
