بەپێی ڕاپۆرتی میدیاکانی ئێران، سپای پاسداران دەستی بەسەر دوو کەشتیی نەوتهەڵگری بیانی بە ناوەکانی "ئێستار١" و "وینتەگ" لەگەڵ ٢٥ خەدەمە و بارێکی زیاتر لە ٣ میلیۆن لیتر گازوئیل لە ئاوەکانی کەنداودا گرتووە.
بەپێی ئەم ڕاپۆرتانە، هێزی دەریایی سپای پاسداران ئیدعای ئەوە دەکات کە "ئەم کەشتییانە بە شێوەیەکی ڕێکخراو بەشدارییان لە عەمەلیاتی قاچاخکردنی سووتەمەنیدا کردووە".
بەرپرسانی کۆماری ئیسلامی تا ئێستا ڕایانەگەیاندووە کە ئەو دوو کەشتییە نەوتهەڵگرە ئاڵای کام وڵاتییان پێوە بووە و خەدەمەکانی خەڵکی کام وڵاتن.
بە سەرنجدان بەوەیکە عێراق دە ڕۆژ لەمەوبەر دەستی بەسەر کەشتییە نەوتهەڵگرەکەی ئێراندا گرت، دیار نییە ئەم کارەی سپای پاسداران کاردانەوەیە لە بەرامبەر ئەو کارەی هێزی دەریایی عێراق یان نا.
دەسبەسەرداگرتنی ئەو دوو نەوتهەڵگرە لە کاتێکدایە کە گرژییەکان لە کەنداوی فارسدا بە هۆی بوونی نیزامیی وڵاتانی ڕۆژاوا و بە تایبەتی ئەمریکا و ناکۆکییەکان لە ناوچەی کەنداو هەروا لە ئارادایە. پێشتریش حاڵەتی دەسبەسەرداگرتنی کەشتییەکان لەلایەن ئێران یان هێزە هاوپەیمانەکانیەوە ڕووی داوە کە هێندێک جار گرژیی دیپلۆماتیکی لێ کەوتووەتەوە.
