ڕۆژی شەممە ٢٧ی بانەمەڕ پەیمان حەسەنزادە چالاکی فەرهەنگی و هونەری و بەڕێوەبەری ئەنجومەنی مۆسیقای شاری پاوە و هەروەها ئەندامی ئەنجومەنی ژینگەپارێزیی ژیوای پاوە بە ڕووداوێکی نادیار گیانی لەدەست دا.
ناوبراو دامەزرێنەری ئەنجومەنی ژیوای پاوە، ئەنجومەنی فریا، فێرگەی مۆسیقای دەنگ، ماڵی مۆسیقای پاوە و بەرپرسی قوتابخانەی مۆسیقای نوانس بووە.
پەیمان حەسەنزادە لە بواری فەرهەنگیدا چالاکیی بەربڵاوی بووە و لە بواری فێرکاریی مۆسیقادا هەنگاوی بەنرخی هەڵگرتووە.
ناوبراو کەسیكی نیشتماندۆست بووە و خۆشەویستییەکی تایبەتی لای خەڵک هەبووە.
تەرمی ناوبراو ڕۆژی یەکشەممە ٢٨ی بانەمەڕ لە ناو ئاپۆڕای خەڵک لە گۆڕستانی مەلا مەقسوود بە خاک سپێردرا.
