ڕۆژی دووشەممە ١٩ی جۆزەردان، حاجی سامی حاتەمی کوڕی عەبدولقادر لە تەمەنی ٧٢ ساڵیدا کۆچ دوایی کرد.
ناوبراو لە گوندی هەلەقۆش سەر بە ناوچەی سۆما برادۆستی ورمێ لە دایک بووە و بۆ ماوەی ٧ ساڵ واتە لە ساڵی ١٣٥٨ هەتا ١٣٦٥ لە ڕیزی پێشمەرگەکانی حیزبی دێموکراتدا، چەکی بەرگری لە نیشتمانی لە شان کردووە.
حاجی سامی لە دەرگیریگەلێکی زۆردا بەشدار بووە و لە شەڕی گوندی گێچە دەست و لاقی بریندار بووە و هەتا دوایین ساتەکانی تەمەنیشی هەر لە سەر ڕێبازی دێموکرات مایەوە.
ناوبراو چەندین جار لەلایەن ئیتلاعاتەوە بانگ کرابوو و لێپرسینەوەی لێ کرابوو و لە کۆتاییشدا لە ساڵی ١٣٩٨ی هەتاویدا بۆ ماوەی چەند مانگ لەلایەن ئیتلاعاتەوە دەسبەسەر کرا.
ناوەندی ڕاگەیاندنی حیزبی دموکراتی کوردستانی ئێران بەم بۆنەوە سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
