ئەرتەشی ئیسرائیل لیستی نۆ زانا و پسپۆڕی ناوکیی ئێرانی بڵاو کردەوە کە لە هێرشەکانی بەرەبەیانیی ڕۆژی هەینی بۆ سەر تاران کوژران.
ئەرتەشی ئیسرائیل لە بەیاننامەکەیدا ڕایگەیاند کە هەموو ئەو زانا و پسپۆڕانەی کوژراون لە پرۆژەی ناوکیی ئێراندا جەمسەری گرینگی زانیارین و ئەزموونی دەیان ساڵەی کەڵەکەبوویان لە پەرەپێدانی چەکی ناوکیدا هەبووە.
ناوی ئەم نۆ کەسە لەلایەن ئەرتەشی ئیسرائیلەوە بەم شێوەیە ڕاگەیەندراوە: فەرەیدوون عەباسی، کارناسی ئەندازیاریی ناوکی، محەممەدمێهدی تێهرانچی، پسپۆڕی فیزیک، ئەکبەر مەتازادە پسپۆڕی ئەندازیاریی شیمی، سەعید بورجی پسپۆڕی مەتریاڵ، ئەمیرحوسێن فەقیهی پسپۆڕی فیزیک، عەبدولحەمید مینووچێهر پسپۆڕی ڕێئاکتۆر، مەنسوور عەسکەر پسپۆڕی فیزیک و ئەحمەدڕەزا ذولفەقاری داریانی پسپۆڕی ئەندازیاری ناوکی.
