لە ڕۆژانی ڕابردوودا، کاک عوسمان عەبدوڵڵاهی پێشمەرگەی پێشووی حیزب لە تەمەنی ٦٥ ساڵیدا کۆچی دوایی کرد.
کاک عوسمان ساڵی ٥٩ی هەتاوی دەبێتە پێشمەرگە و هەتا ساڵی ٦٤ لە ڕیزەکانی حیزبی دێموکراتدا پێشمەرگایەتی دەکات.
ناوبراو لە لکی شەهید حوسێن نەوبەختی سازمان دەدرێت، پاشان دەچێتە دەورەی کاروباری کۆمەڵایەتی و لە کۆمیتەی ناوچەی حەسەننووران وەک کادری بەشی قەزایی کار دەکات .
ساڵی ١٣٦٣ی هەتاوی دەبێتە کادری کۆمیتەی ناوچەی سینگان و لە پاییزی هەمان ساڵدا واز لە پێشمەرگایەتی دێنێ.
کاک عوسمان کەسێکی نیشتمانپەروەر و خۆشەویستی خەڵک لە ناوچەکەدا بوو.
ناوەندی ڕاگەیاندنی حیزبی دێموکراتی کوردستانی ئێران بەم بۆنەوە سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
