بە پێی ئەو ئامارانە کە لە ناوەندی ئاماری ڕێکخراوی مافی مرۆڤی "هەنگاو" تۆمار کراون، لە ماوەی یەک مانگی ڕابردووی زاییندا لانیکەم ١٣٢ هاووڵاتی کە ٥٤ هاووڵاتیی کوردن، لە لایەن هێزە ئەمنیەتی و ئیتلاعاتییەکانی ڕێژیمەوە دەسبەسەر کراون.
بە پێی ئەم ڕاپۆرتە، لە ماوەی یەک مانگی ڕابردوودا لانیکەم ٩ چالاکی ژن، ٤ منداڵ، ٥٤ هاووڵاتیی کورد، ٢٩ هاووڵاتی بەلووچ و ٦ چالاکی بەهایی لەلایەن هێزەکانی کۆماری ئیسلامی ئێرانەوە دەستبەسەر یان ڕفێندراون.
لەگەڵ گرتن و ڕفاندنی ٥٤ هاووڵاتیی کورد لە مانگی مەی زایینیدا ٤١٪ی کۆی گشتی دەسبەسەرکراوەکانی ئەم مانگە هاووڵاتیی کورد بوون.
بەپێی ئەم ئامارە، ٢٤ هاووڵاتیی لە پارێزگای سنە، ٢٣ هاووڵاتی لە ورمێ، ٤ هاووڵاتی لە کرماشان و لە هەریەک لە پارێزگاکانی تاران، هەمەدان و ئەلبورز ١ هاووڵاتی دەسبەسەر کراون.
هەروەها لەو مانگەدا ٢ چالاکی ئایینی، منداڵێکی خوار تەمەن ١٨ ساڵ، ٥ چالاکی ژن، ١ چالاکی میدیایی، ٢ نووسەر و خوێندکارێکی کورد لە لایەن هێزە ئەمنیەتی و ئیتلاعاتییەکانی ڕێژیمەوە دەسبەسەر کراون.
